Introdución a Exipto

Neste post podedes descubrir e repasar moitas das características da civilización exipcia. En primeiro lugar tedes este vídeo sobre a civilización exipcia. A continuación tedes distintas ligazóns relacionadas co tema.



Nesta ligazón poderedes descubrir como obtiñan os exipcios o papiro.

Aquí tedes outra páxina para repasar, que tamén ten exercicios no menú da esquerda e mapas conceptuais.

E por último, comparto estes xogos que atopei relacionados con Exipto. Probádeos, que son do máis variado!

Pasatempos "Viaxe a Exipto"

Espero que todo o material vos sexa interesante!!

Actividades de repaso

Ola a tod@s!

Como repaso para o exame, déixovos unha ligazón ás actividades de repaso que vos propón o voso libro. Pinchades aquí e a continuación seleccionades as actividades do tema 9. Sacando que están en castelán, son exactamente  as que están propostas.

Tamén vos deixo uns vídeos de repaso:
O primeiro trata sobre o Neolítico no poboado de Çatal Hüyük:



O segundo do megalitismo en Galicia:



 Aquí podedes ver exemplos de ritos megalíticos:



E por último, con este vídeo repasaredes a Idade dos Metais na Península Ibérica:



Espero que os disfrutedes e que vos sirvan para preparar o exame!

Pinturas rupestres

Seguimos co tema da Prehistoria e coa arte nas cavernas, que podedes repasar con este vídeo sobre a cova de Altamira (Cantabria).




 Tamén vos deixo esta ligazón, a través da cal poderedes percorrer as covas de Lascaux, ver todas as pinturas rupestres cunha descrición. Impresionante!

Mapas físicos mudos

Ola a tod@s!

Como estes tres días non imos ter clase, déixovos, como vos dixen uns enlaces a mapas mudos para que se queredes poidades traballar situando todos os puntos que falamos nos mapas físicos (repasade todo o do tema 3).
A semana que vén seguiremos situando ríos, lagos, mares...
Aquí van os enlaces:
Mapamundi físico
Mapamundi ríos
España físico
Europa físico
América físico
África físico
Asia físico
Oceanía físico

MAPAS INTERACTIVOS

Ola a tod@s!

Aquí tedes a ligazón á páxina dos mapas interactivos. Lembrade que en galego hai menos que en castelán, e que se queredes repasar o que estamos vendo no tema 3 (xeografía física), tedes que seleccionar os mapas físicos.

A ligazón levaravos directamente á páxina dos mapas físicos interactivos en galego. Se queredes repasar máis partes, seleccionádeas no menú da dereita en español.

Mapas interactivos

Espero que vos sexan de utilidade. Tamén sabedes que co Google Maps ou co Google Earth, poderedes ver todo o que estudiamos en directo. Probádeo e xa me contaredes!

Agora, e por si quedaba algunha dúbida, desvelo o misterio do CPI...

Saúdos

XEOGRAFÍA E PREMIO!!

Por fin comezamos este apartado de Xeografía. Como benvida, déixovos esta ligazón a un atlas online, que vos vai a vir moi ben.

Deixo tamén estas ligazóns nas que vos explican o que vimos dos paralelos, meridianos, latitude e lonxitude con exercicios.

E un vídeo sobre as proxeccións cartográficas, as súas vantaxes e desvantaxes.

Por último, e como actividade de benvida do tema de Xeografía, terá un premio aquela persoa que sexa a primeira en escribir nos comentarios as coordenadas xeográficas onde está situado o CPI Antonio Orza Couto (latitude e lonxitude). Para atopalas podedes axudarvos do Google Maps. Ánimo e a apurarse, que a recompensa valerá a pena!!

Os reinos xermánicos e o Imperio bizantino

En primeiro lugar, déixovos o enlace que vos dixen á páxina sobre o Imperio bizantino, que estivemos traballando na clase.

Imperio bizantino

A continuación, aquí tedes unha serie de vídeos que vos van axudar a entender mellor a materia. O primeiro deles trata sobre as primeiras invasións bárbaras no Imperio romano, como sucederon e as características xerais destes pobos:




O segundo deles trata sobre a expansión do Imperio bizantino:



Seguindo co mesmo tema, déixovos este que trata sobre a basílica de Santa Sofía de Constantinopla:



En canto ao mundo visigodo, tedes este vídeo sobre a expansión bárbara na Península Ibérica:







E por último, déixovos este enlace a unha páxina sobre arte visigoda.

A vida en Hispania

Como repaso, déixovos algúns vídeos que vos poden resultar interesantes. No primeiro deles poderedes ver como era a vida en Hispania:

 

Agora ímonos centrar máis en Galicia, e en como afectou á cultura castrexa a chegada romana:

 

 E por último, déixovos este interesante documental, que se centra na fundación de Lucus Augusti, e como se transformou nunha grande urbe:

 

Galicia na Hispania Romana

Para abrir boca con este novo tema, mirade este documental, no que poderedes aprender de forma amena máis cousas sobre os camiños e a organización viaria en Galicia durante a ocupación romana. Disfrutádeo!

PRESENTACIÓN TEMA 14

Pinchando na imaxe poderedes acceder á presentación deste tema 14: A herdanza da cultura clásica. Se hai algo no que teñades dúbidas ou que queirades comentar, xa sabedes, escribide un comentario.

A orixe do teatro e os inventos gregos

O prometido é débeda, así que aquí vos deixo uns enlaces aos vídeos que vimos hoxe para que rematedes de ver o último.

A orixe do teatro

Os inventos gregos 1

Os inventos gregos 2

Os inventos gregos 3

A herdanza da cultura clásica

Voltamos do Entroido cun novo tema, a herdanza da cultura clásica. Para abrir boca, e de paso repasar algo do que falamos hoxe na clase, déixovos estes vídeos para que entendades como funcionaban os oráculos.

Actividades Roma

Atopei estas actividades que vos poden servir para repasar. Simplemente seleccionades a parte de Roma e xa está.


Actividades- Grecia y Roma

Actividades - La antigua Roma

Tamén vos deixo o enlace ao xogo que vos comentei. É para ún ou varios xogadores, así que ánimo. Aínda non demos tódolos temas que se tratan nas preguntas, pero tamén vos pode axudar de cara aos seguintes temas.

Xogar a "De Roma a Gades"

A expansión de Roma e o seu exército

Como falamos hoxe na clase, durante a República Roma conquistou moitos territorios. Neste vídeo poderedes ver un resumo deles:



Esto non sería posible de non contar con riqueza e cun exército moi numeroso e eficaz.Así se organizaban:




Para lograr esta expansión, Roma tivo que enfrontarse á potencia que naquel momento dominaba o Mediterráneo, Cartago, nas chamadas Guerras Púnicas. Aquí déixovos o vídeo que comezamos a ver na clase (por se alguén quere rematar de velo) e outro que vén un pouco máis resumido e concreto.






Se queredes ter máis información sobre as lexións romanas, armas ou calquera outra cuestión relacionada con Roma, pinchade na seguinte ligazón, e dentro dela, seleccionade o que vos interese na lista da esquerda.

Nestoutra ligazón atoparedes todo tipo de información, pero só referida ás lexións romanas.

AS ORIXES DE ROMA

Benvid@s a un novo tema!
Esta semana imos comezar a falar de Roma e o seu Imperio. Como primeira aproximación, déixovos un vídeo que describe o territorio sobre o que imos traballar:



Ademais de ter unha orixe histórica, froito da relación entre os distintos pobos que habitaban na Península Itálica, a fundación da cidade de Roma está relacionada cunha lenda, a dos xemelgos Rómulo e Remo. Se queredes saber máis acerca desta lenda, podedes ver este vídeo, que fai un bo resumo...



E por último, pinchando neste enlace, descubriredes unha páxina moi interesante sobre Roma con actividades interactivas.

PRESENTACIÓN POBOS PRERROMANOS

O prometido é débeda, así que aquí vos deixo unha presentación sobre os pobos prerromanos na Península. Dentro da presentación xa veñen incluídos os vídeos que puxen na clase, e mais algún outro a maiores que me pareceu interesante.
A parte dos pobos colonizadores tédela no mural da entrada anterior, así que xa non a incluín.
Espero que vos sexa útil e que a disfrutedes!

Os pobos prerromanos

POBOS PRERROMANOS

Benvidos ao novo tema. Como xa sabedes, trata dos pobos que viviron na Península Ibérica e en Galicia antes da chegada dos romanos.
Como primeira aproximación, déixovos un mural no que podedes ver os principais pobos colonizadores que viñeron á Península e as súas principais aportacións. Espero que vos sexa útil.



Se non se ve o suficientemente grande, podedes pinchar aquí e amplialo.